الشحات شتا يكتب: أحرار العرب والعالم يرفضون استقالة جورج قرداحي
مدارات عربية – السبت 6/11/2021 م …
كتب الشحات شتا …
- جورج قرداحي لا ولم ولن يستقيل يا ناهبي ثروات لبنان … من منكم يبكّته علي خطيّه؟!
اقول لميقاتي ولغير ميقاتي من سياسيي لبنان: جورج قرداحي لا ولم ولن يستقيل …
فهو لم ينهب ثروات لبنان،
ولم يعمل لصالح الصهاينه او الخليجيين او الامريكان ,
ولم يكن يوما اداة من ادوات مبز ومبس ,
ولم يؤيد جرائم العدوان ضد شعب الحكمه والايمان ,
وهو احرص انسان علي مصالح لبنان ,
وهو الرافض لاعتداءات الكيان الصهيوني,
واذا كنتم تريدونه ان تقيلوه ، فاستقل انت يا ميقاتي , لانك لم تفضل مصلحة لبنان، بل انت تفضل مصلحة اموالك التي نهبتها من لبنان ,
- جورج قرداحي … من منكم يبكته علي خطيه ؟
قال المسيح لليهود من منكم يبكتني علي خطيه , وانا اقول لميقاتي وكل عملاء الكيان في لبنان من منكم يبكت جورج قرداحي علي خطيه , فتاريخه مشهود له بالنقاء والنزاهه ونظافة اليد , ولذلك لن تجدوا له خطيه تبكتوه او تعايروه بها , وبصراحه اقول لكم انتم نهبتم ثروات لبنان وعملتم ومازلتم خدام للامريكان , ومازلتم تخونون وطنكم لبنان وتتفاخرون بانكم عملاء للكيان , فلا تطالبوا خير انسان بالاستقاله بل استقيلوا انتم يا خونة لبنان ,
- نعيش عصر الشقلوب
نعيش الان عصرا من عصور الشقلبان , فالحق اصبح باطلا , والباطل اصبح حقا , واللص تقلد اعلي المناصب ,والشريف ممنوع من قول الحق , والظلم اصبح عادي والقاتل اصبح اله لايجوز انتقاده بل علي الجميع الركوع والخضوع والخنوع له ومن يرفض سسيجن وسيقتل وسيكون عبره لكل من كان ,ليتني لم اعيش هذا العصر الذي اصبح عصر الشقلبان ,
3 – اليكم قصيدة بيان هام شقلبان للشاعر احمد فؤاد نجم …
هنا شقلبان
محطة اذاعة حلاوة زمان
من القاهرة ومن كردفان
وسائر بلاد العرب واليابان
ومن فنزويلا أيضا ايران
ومن اى دار
أو بلد مستباحه
بفعل السياحه مع الأمريكان
هنا شقلبان
محطة اذاعة حلاوة زمان
نقدم اليكم بكل اللغات
مراسح وسيما وجميع الفنون
صحافه ومنابر وتلفزويونات
وخطبا ف جوامع وجبنه وزيتون
ونقزح ونركب جميع الموجات
ونبحث ونفهم فى كل الشئون
ودايما نلعلع فى كل الحالات
ولا حد سامع ولا يحزنون
وتسمع ما تسمع دا ما يهمناش
لأن احنا اصلا بناكل بلاش
فخليك فى نفسك وما تخليناش
نسلط عليك القلم واللسان
هنا شقلبان
محطة اذاعة حلاوة زمان
يسر الذاعه ولا يسركوش
بهذى المناسبه ولا بندعيكوش
نقدم اليكم شحاته المعسل
وبدون الرتوش
شبندر سماسرة بلاد العمار
معمر جراسن للعب القمار
وخارب مزارع و تاجر خضار
وعقبال أملتك أمير الجيوش
ما تقدرش تنكر
تقول ما اعرفوش
ما تقدرش ايضا تفول ما أسمعوش
شحاته المعسل حبيب القلوب
يزيل البقع ولاهموم والكروب
يأنفس يأفين يبلبع حبوب
ويفضل يهلفط ولا تفهموش
وتفهم ما تفهم دا ما يهمناش
لأن انت فاهم وعامل طناش
ح تنكر وتحلف ح اقول لك بلاش
ح تتعب دماغنا وتتعب كمان
هنا شقلبان
محطة اذاعة حلاوة زمان
لأن المخبى ظهر واستبان
وكل المسائل بدت للعيان
وطلعت حكاوى ونزلت كمان
عن التهريبه وعن كيت وكان
وعن محسوبيه وعن ألعبان ( بضم الالف)
ظهر فى المدينه كأن الطوفان
وغرق مراكب وسوح غيطان
وبعض المراكب ح تغرق كمان
وأزمة مساكن وأزمة أمان
وعالم بياكل فى عالم جعان
وريحة مؤمره فى جو المكان
مخطط خيانه مع الأمريكان
لدبح العشيره وحرق المكان
وفيه ناس بترغى ولازم بيان
كما ابلغونا جميع الودان
لهذا وذاكا وتلكم كمان
نقدم اليكم عروسه وحصان
شحاته المعسل وهذا البيان
هنا شقلبان
محطة اذاعة حلاوة زمان
بسم الله
سلام عليكم وسلمون وموز
وأما المسائل فهنجف ولوز
فيا اخوتى ويا أخوات
اليكم بيانى كما هو آت
جميع المسائل تمام التمام
وكل الكلام دا مجرد كلام
فصبرا جميلا ولا تقلقوش
وشغل الضغاين أنا ما أقبلوش
ما فيش أى حاجه
على الطلاق والعتاق بالتلاته
ما فيه اى حاجه
وقدر كمان ان فيه أى حاجه
ما لوش أى لازمه الكلام واللجاجه
وعيب ان عيل يسوق السماجه
ويعمل لى باللو ويعمل ديباجه
آنا بطبعى ضد السماسره الكبار
بحكم المنافسه وحكم الجوار
لكن مش فى طبعى
انى أعمل فضيحه
لواحد زميلى هبش كام صفيحه
ما كل الزمايل بتهبش صفايح
وكل اللى جاى مش زى اللى رايح
فيا ايها الشعب صهين تفلعص
مساء التنفس مساء الروايح
أخويا الامير بزرميط الايرانى
بعت لى السنه دى
عزمنى ودعانى وأنا قبلت طبعا
ورحنا العزومه وكانت وليمه
ما تحصلش تانى دا أيه المحمر
وأيه المكمر وايه المشمر
وايه الصوانى
وانا دماغى تعبت ولفت صراحه
من الفخفخه والهنا الاصفهانى
هناك يعنى مثلا اذا شربت طافيه
تمز بكوارع وبسطرمه ضانى
ما شفتش هناك
ناس بتحقد عليهم
ولا ناس بتشتم فلان الفلانى
لأنه اشترى عزبتين من شطارته
وحكمة ادارته وطلع مبانى
وبعد الوليمه استلمنا الهدايا
مفضض ومدهب وقز وقيشانى
وطبعا أخويا الأمير قال لى حاجه
ح اقولهالكو طبعا اذا الوقت ناسب
ح يطلع لى عيل بدون اى حاجه
ويعمل لى فلحس ويقعد يحاسب
دا حقد اشتراكى أنا ما أقبلوش
ولو هو ابنى أنا ما اعتقوش
كلام عن سماسره كلام عن دعاره
حاجات مش صحيحه جمل مستعاره
وعايزين يخلوا البلد اردغانه
وعايزنى اسيب البلد من زمان
وأنا مش ح اسلم واسيب الأمان
ولا بالبوليس والنيابه كمان
فيا ايها الشعب كمل جميلك
وصبرا واذلم حتيجى المصارى
وتاكل وتشرب تبع ما يآتيلك
وتغرق فى بحر العبيد والجوارى
وترسم حياتك حسب ما يرائيلك
ونملا الحوارى فساقى وقصارى
تسبح بحمدك وتشكر جميلك
وفضل الزباله وطفح المجارى
ختاما سلاما وآخر كلاما
ضرورا
يسود الهدوء والوئام فماذا والا
ح طربقها واللا اهرب فلوسى
واسافر قواما سلام عليكم
وسلمون وموز بصفتى رئيسا
وابا وجوز
